Danny

2005-11-26T22:10:00.000-08:00

尋晚又好夜訓喇....今日都好辛苦下...今日放工,係大圍join埋屋企人,就去香港仔喇,一去到,見到有兩個人好似好唔耐煩咁...真係好唔鍾意佢地,我由細個已經係,3點幾4點就差不多搞掂,第一次見呢樣野,同我諗既幾唔同,跟住就揀位喇,唔知媽咪新居係點既呢?好想快d 知,跟住搭巴士既時候,我地座最後,發覺係家姐最左,我第2,亞妹第3,細佬第4,我就係刻數,1.2.3.4,對號入座,我發覺我同我家姐都幾好傾...唔似細個了,成日鬧交,不過可能小見先係咁,跟住到旺角,我陪細佬去信和問野,就去左上水,搵anthony 操下車,跟住就join亞明0個d 食飯,食完又同anthony再操,就咁就一日喇~

2005-11-19T05:48:00.000-08:00

今日都係要返工...冇計啦,多野做,不過尋晚成4點先訓, 今日呆呆地...跟住返到屋企,野都唔食就訓左陣了...因為太累了...跟住我眼到一半聽到老豆講, 野都唔食就訓...跟住醒左,食完飯,就去左上水同anthony試多次部車,我真係冇記性喇,車主話遲半個鍾,我又唔記得同佢講,真係大頭蝦了...anthony依然渣到好似舞龍咁...我真係渣一次比佢睇...跟住佢落左訂,星期一轉名,跟住去左順欣食野,倫都黎左,我地食到十一點幾就各自歸家了....返緊屋企,我係度諗...我d記性去左邊呢...

2005-11-12T05:35:00.000-08:00

今日係細佬生日,生日快樂~今日返左工,因為多野做,放左工就陪anthony去亞明度試車,好驚險...跟住去左搵埋文仔行下街,跟住一人買左支喜力,係上中下座,痴痴地架,咁早就飲,跟住返左大埔同文仔打左陣機,就返左屋企,玩多陣msn就訓了..因為今日好似唔開心...

2005-11-09T23:58:00.000-08:00

今日遲左小小出門口,因為個頭整極都整唔好,一落街打比vin,之後有部的士都唔知識唔識渣車,爭d車死我,係馬鐵撞到j, 今日叫左個下午茶,好好食,而且...今日又九點走喇....累死了,返到屋企,食食下飯,老豆叫我食蕉,好感動囉,因為我星期一十點幾話想去買蕉,佢話收左啦,尋日原來已經買左,不過未熟,哈哈,vin,兩日冇on了....

2005-11-08T23:58:00.000-08:00

今日一返工,第一次朝早打比vin,都有d 野傾下,同埋今日係astina買左一周年紀念,返工有時累到,放工都唔記得做過d 咩,今日ot 到9點...放工去左還碟,跟住,返左home食飯,跟住去左大中搵君仔比野佢,之後大口狗同布甸落bar,我就送君仔返屋企,一路行一路傾,佢唔同晒了,真的可以做媽媽了~之後同子健飲左兩杯就返屋企了...

2005-11-07T23:59:00.000-08:00

今日晏左小小起身,不過都冇遲到,放工後,返學,今日冇心情&唔舒服,上左一堂就走左...之後都有小小後悔,跟住去左大中還碟,原本都冇諗住借碟,點知見到朱古力將門人,又借左喎......之後去左百佳買野,就返左home了,係msn,同vin傾左緊,最尾重爭拗左一陣....其實我係咪唔應該同佢爭拗呢...我發覺,尋晚訓唔著,今晚睇黎都會...

2005-11-06T23:59:00.000-08:00

今日12點就醒左,食左唔使$ m記,跟住同vin傾左緊msn,不幸地訓著左,咁就side左一個下午,唉..諗住執野架,跟住去左還碟,頂....遲左一日,兩隻+埋多謝十蚊.....跟住去左夾糖,好好食,好耐都冇食,跟住又返左屋企,又去左大中,做會員,租碟,因為上次0個間一般,又要收會費,唉....之後返左home食飯,9點幾去左幫亞川幫機,12點唔夠就返左home了,幾乖呀,好~訓覺

2005-11-02T23:06:00.000-08:00

今朝又有換m記飽,不過好多人,冇咩做,好快食飯,食完飯去左第一城入票,爭d 入唔到,重幫埋linda&康入,之後點下貨,偷下懶,好快就5點幾,諗住去上中文堂,點知要ot,上唔到,7點八走左,今日都係冇打籃球,個籃封埋,食飽飽,訓覺

2005-10-26T23:07:00.000-07:00

今日朝早係lift有人叫我,原來係亞就,佢問我係邊食早餐,真搞笑....佢話佢自己每日都飲早茶,真係得意,今日係我第一次帶飯,lunch time我呆左,因為好大既pantry開左桌,放好了叮好的飯盒,估唔到,係公司都可以一家人咁食飯,縱使我很小發言也好...第一次,好快就放工喇,跟住返左屋企,唔知點解我好想打籃球,就落左街,打左陣,食飯,之後去左亞新度拿電結他,肥麟都有黎,順便試cpu,千六加死左了,算啦....比個機會買過新,最後成點幾先走...第2日一定好眼訓了....

2005-10-11T23:59:00.000-07:00

今日個feel好鬼懶,因為重陽節,打下機又訓下.....大獲,訓晏左,爭d 唔記得左要去探媽咪tim,跟住飛出去啦,去到金鐘,買完coffee,去巴士站,頂..架巴士冇左既,下...去左香港站....跟住就跑下,行下去到香港站等車喇,去到已經心知不妙,天就黎黑,重要等左好耐先有車,我等等下幾驚自己去錯地方,終於有車喇,我心裡不禁講左句多謝~跟住,部車原來都係兜到pk.....我心裡真係係咁小....使唔使個個站停,又咁多燈位呀呀...去到摩星嶺山腳,我知道好快就到了,安蔚自己個天未黑晒之如,重覺得,應該唔驚,冇野既,跟住喇,一落車,我見到舖頭重開門喎,不過我買左野,唔使lu~之後一行落去,個feel怪怪地,我不禁講左句,有怪莫怪,我黎探媽咪ga渣,跟住就用紙巾抹左抹,放底coffee,同媽咪傾左陣,比佢睇埋我車牌,呵呵,咁就走了...因為太夜了,跟住我發覺有人黎過,我估應該係舅父,跟住係巴士站既時候,等等下,乜咁多人既...原來有好多人都天黑先黎,可能有d人真係唔得閒,一家大細有,一個人有,幾個人有,真係有孝心,我差唔多上巴士既時候,都重有人黎,嘩...7點幾喇喎,跟住就咁走左了,我諗,今次應該係我呢生人,最夜一次去墳場喇掛...

2005-09-28T23:58:00.000-07:00

今日係肥麟生日，下午都有落雨，不過夜晚冇了，唔知呢d係咪叫天公做美呢，原本我係諗住問亞邦借車既，不過借唔到，冇計啦，可能人地要媾女，好彩，我問格離屋肥波借，哈哈，借唔借到？更係得啦，由細睇到我大，信得過我既，跟住就懶神秘同肥麟講我冇野做呀，過黎搵下你，冇提車冇提生日，不過去到既時候，佢話知啦．．．哈哈，去緊既時候，我係華慧園個燈位，見到有警車衝燈，最後係雍盛見到佢抄牌．．．嘩，使唔使衝燈去抄牌呀．．．跟住就去左大埔搵子健&亞新，我到左就落一落車，跟住同子健講，今次唔公平呀，因為咁多次，最high係今次，又皮座，又＋－波，跟住我地上左車，諗唔到去邊，我叫肥麟，生日喇比d主見啦，你渣主意，不過佢都係是但啦，最後我同亞新叫話去西貢啦～去到，搵位都搵左一陣，拍呢度又話唔好．．．０個度又話唔好．．．頂．．我渣車喎．．．兜左陣，我話，就頭先０個度啦，我就黎癲喇．．．跟住我地去左食野先，一路食，一路講下笑話啦，肥麟係度講呢排有新ａｖ，好正，個名叫松島，子健又好有興趣，佢地兩個係度大聲講．．．我望一望亞新，佢又望一望我，唉．．．跟住亞新講左個鬼故，個故仔好似套戲唔知叫咩谷，跟住我地就閃左喇，ｌａｗ車既時候，哈哈，原來後面部ｅｇ６，係我地食野後面抬人黎，跟住行喇，就去亞新原本諗住去０個間ｂａｒ，有海灘既，不過，成１２點．．收左了，跟住就去大尾篤喇，行到一半，亞新話不如入馬安山兜兜，順便去７仔買定野，我話好丫，跟住到左，佢地去買野，我就落左車影一影相，因為我都幾鍾意ｇａｌａｎｔ　ｇａ，佢地番出黎喇，我同肥麟講，我今日終於做左ｇａｌａｎｔ強喇，哈哈，我地出發喇，去到大埔，子健話去佢舖頭先，ｌａｗｃｄ，因為部車ｄ歌太舊喇．．．頭先一路行，我地聽到笑，子健亞新重叫救命ｔｉｍ，肥麟就話我地好似亞叔咁，跟住去到大尾篤，肥麟撞到熟人喎．．．咁０岩都有，跟住我地係度吹水啦，講番上似係巴士站，笑死，０個條女過馬路，學人誇欄，明知自己著裙啦，跟住過到一半，又跌落黎，但又跌唔晒，咁最終更係成個ｐ左係度啦，我，麟，新，就離左去個廣告牌後面狂笑，跟住我地做晒動作話比子健聽笑到ｐｋ，跟住佢地買左嘉頓蛋糕＆蠟燭，點既時候又笑，頂，亞新都唔識插，整到個蛋糕爛咁滯，最後，我同子健搞掂左，咁肥麟吹左喇，頂，個死仔搵啤酒噴我喎，重好似射精咁，我中左小小，我又成支可樂車番佢，不過唔中啦，更係啦玩姐，我求其掟，座多陣，我地入左新娘潭個停車場，一落車，我地聽到，山下面有人大聲叫，諗起都心寒，我同亞新講冇野既，唔想知，唔好理，應該有人路營，我地係０個度影下相，做左好多搞笑既動作，子健同麟，爬左上個牌度，整到污濁晒，跟住走喇，係上車既時候，有部雅閣黎左，一男一女，又唔係去廁，我地估肯定想打野戰啦．．．跟住我地行鹿頸長番粉嶺，放低左亞新，子健又黎周街去小．．．麟就去左拿結他，跟住去左花都買野，我又係係車等，等等下，有部ｇａｌａｎｔ經過，係一個廿幾既女渣，佢好似幾靚，ｈａｈａ，跟住我地去左科學園，我第一次去渣，上次亞新生日已經想去，不過唔記得左，今次去到喇，跟住子健落車既時候扮晒型，大力開門，撞左落去爛干度，頂．．．部車唔係我ｇａ，好彩冇咩花到，跟住佢去左廁所，肥麟話，唉．．．又係咁，成日飲大，哈哈，跟住去左舊碼頭有對情侶係度，個男仔渣ｃｆ４，跟住我地都係唔阻人，子健又話有個新碼頭我地就去左０個度，幾正ｇａ，不過比人噴到花晒，子健話佢唔開心會自己踩單車黎，買幾罐啤，我地彈下歌，ｒａｐ下，就去左大埔食野，途中有班人踩單車個女仔座車尾，我同佢望左一眼，跟住去到陳漢記食野，人地就收舖，我地好快就食完，跟住去左元洲仔，子健去左拜大王爺，我比佢落車既時候，將部車，有咁加得咁右，費事又黎多次，果然，佢又係好大力開門，不過今次更係冇事啦～跟住頭先踩單車班人又見到，我同個女仔又望多一眼，又會咁橋既，跟住我地去左海記，座左陣，彈左陣歌，肥麟話開始累了，我地就番去了，跟住我用＋－波，１波踩到６千轉，ｍｉｖｅｃ都著埋，麟話好似ｆ１咁，跟住去到太和，子健話泊埋一邊吹下水先，頂，我心諗麟眼訓喇，跟住佢又係飲醉既口吻，講左陣就走左了，我就渣快ｄ兜麟返去，係寶雅苑燈位，麟同我講，快ｄ還晒子健ｄ＄，佢話我爭佢幾百慢慢都未遲，我一定會啦，因為其實爭人錢日日都唔舒服，跟住放低左麟，再祝佢生日快樂，我執一執個龍，再入多５０蚊油，最搞笑格離部前期１１０都係入５０，個亞姐都話，又會咁橋，兩部都５０，跟住就返左去ｌｕ，最衰唔夠時間唔係洗埋車啦，污ｊｏｅ　ｊｏｅ比番人，怪怪地，肥波返工前都好似使左落去抹一抹，最後，我係度諗，我地ｒｅｃｙｃｌｅ係不斷進步既，因為，由亞新生日，我地ｄｅｍｉｏ自動，到子健，細ｔｅｃ棍，今次ｇａｌａｎｔ　ｍｉｖｅｃ＋－，我地愈黎愈勁，不過今年總算做晒生日司機，幾驚今次借唔到車呀～最後麟～生日快樂，２０歲喇你

2005-09-25T23:52:00.000-07:00

今日去左亞基公司，諗住拿番車尾個ｃａｓｅ，點知．．．亞邦今日冇渣車．．．有冇搞錯呀．．諗住問亞明借車渣ｇａ喇，點知亞基打黎，叫我係佢公司等，咁好啦，等左好耐，一路都係同亞明吹水，勁好笑，原來佢細個讀書，玩到好鬼過份，成日小ｄ小巴佬，巴士佬，跟住喇，又講尋晚同紅毛佢地去唱ｋ，跟住最尾紅毛重ｍｏｃｋ左半條褲ｔｉｍ．．．唉．．．不過我地講得最多都係車～～，跟住亞基黎左喇，佢條女係格離，原來佢地兩個都係放ｓｕｎｄａｙ，跟住喇，諗住返屋企，整下野咁，點知佢地話同佢地亞媽３個去飲，問我去唔去，加埋我就４個，唔識拒絕人既我，就咁就去左喇，我唔係唔想去，只不過怪怪地姐．．．我地係去左寶湖一間新開既茶樓食野，後面以前係圖書館黎，食完喇，又叫我去食埋ｄｉｎｎｅｒ．．．唉．．．跟住食之前，都係玩下電腦，＆教下人玩，玩玩下，亞基拿個音樂盒睇，點知整爛左喎，跟住佢條女笑住講，搞錯呀．．跟住亞基又問邊個送比你，掉左佢，當然都係笑住講啦，我覺得佢地幾好，幾幸福哦，有時我覺得做人咁，已經足夠，跟住，君仔打黎叫我拿炸彈，話係太子番緊黎，跟住返左粒幾鐘先到，打黎叫我拎，我話我食得飯了，係地食飯未，佢地話食完野打比我，頂，幾個字就打黎，跟住發我皮４，話使唔使送黎運頭塘比我，我啞左．．．跟住我咪話而家黎ｌａｗ，嘩．．係人地ｈｏｍｅ食食下飯閃左去．．．幾唔好意思呀，跟住我咪出去ｌａｗ，亞基話車我去，我就更唔好意思喇．．．跟住去到，我ｓａｙ　完ｓｏｒｒｙ，大口狗就解釋喇，原來係豆雞，放飛機，唔出黎，咁佢地食唔成飯，咪嬲ｌａｗ，算啦，佢又大左肚，哈哈，跟住就返去食埋個飯，食完重有提子．．．佢地招呼太好了．．．好到我有ｄ唔好意思．．．跟住食唔晒，重搵個保鮮袋裝住比我地拿走，一路行一路食．．．哈哈哈，真係得意喇佢地，就係咁，就返左屋企，咁就一個ｓｕｎｄａｙ了

2005-09-19T23:59:00.000-07:00

今日成3點先起身,冇計啦,尋日成7點先返到home....跟住on下 on下,諗住過亞基度又冇過最後過左波仔度拎書,跟住搵亞新吹水,亞新話其實何包蛋唔好,跟住指住d街童,話有咩分別,唉冇計啦,鬼叫佢個樣有d似亞芝,個嘴下面又有粒墨,不過講真丫我真係唔鍾意佢,需然媾佢好易,但我諗我都唔會lu~亞新講得0岩既,我自己都要諗諗唔好比一剎那既錯覺呃左,走既時候先知原來入面有notes ga,真係多謝波仔喇,我會睇晒佢ga喇,多謝

2005-09-13T23:48:00.000-07:00

今日係上chaｍ堂，係一個女人教．．頂佢，又細聲，又唔知佢ｕｐ咩．．跟住佢用英文教，有個人話，點解用英文，問下ｄ人用英文定中中教，佢就問，有邊之前個係用中文教過，跟住得幾個舉手，跟住佢話，其實中文英文都係得一半一半，咁我地繼續用英文教啦，嘩，我頂丫，得幾個舉你都話一半，如果你講日文教，過半數舉，你係咪用日文教呀，唉．．．就係咁，係冇乜野學到既情況下，就過左一堂，過左一日喇．．．．

2005-09-12T23:43:00.000-07:00

今日係maths堂,係由bio既梁sir教,跟上上下......覺得好辛苦,原全唔知咩黎,......好大壓力....今次終於中招喇..........真係,返學未試過有咁大壓力.....以前真係,上堂想快d 落堂,係因為想快d 去玩,快d 去飲飲食食,今日喇,想快d 落堂,係因為壓力,好辛苦,抖唔到氣咁,不過總算學到野,而且我知自己原來好多野唔識,一d 讀過中5既人識既野我好都唔識,我會加油,我唔會放棄ga~除非個天唔比我讀啦,到放學喇,負離子話呢個亞sir教得幾好,幾靚仔,好鍾意上佢堂........唉....女仔就係咁,講住咁多先

2005-09-11T23:58:00.000-07:00

今日唔知發咩神經,10點幾就醒左了,跟住食完野,12點幾,楚恆就online喇,跟住佢又去左mk,唔知點解msn呀,icq d 人唔見晒....唉...咁就悶左一個pm,6點到就去左幫亞川整機,正,format晒,送左條64mb ram比佢,上左xp,正常晒,冇問題,跟住就返屋企了,跟住我呢幾日徘徊係好唔好以後都唔好見,因為太多意見喇,多數人都叫我斷左佢,小數叫我博一博,有d叫我keep住算,我自己決定一路去陪佢,隨傳隨到都得,因為我記得當我第一次同佢去沙田,我就有一種想照顧佢一生一世既感覺,佢亦都係我第一個最認真既人,因為我識佢之前,做野求其,連拍拖都唔例外,佢既出現之後,我對拍拖認真左...
所以今日開始,我一放學返到去,就會on msn,hi 佢,陪佢傾下計,今日,佢講佢呢幾日好多野玩,不過我都估到ga喇,因為佢個名叫happy weekend ma.....星期6去左沙灘,星期日就遊船可,幾好丫,佢重send左去沙灘既相比我tim,我覺得個男仔d feel有小小似我,不過都係我靚仔d,haha,跟住喇,我經常都同自己講,行得出呢一步,預左有一日,要睇住第2個男仔追到佢,預左有一日佢同男朋友唔開心,要搵自己開解,不過我自己答自己,我唔怕,因為我大個喇,識控制情緒,唔會因為咁就唔開心到要死,做人地既太陽,要做得開心先做得起~

2005-09-10T23:58:00.000-07:00

今日星期6,係冇野做既,因為鬼佬冇返,我地幾個都唔做野,費事做晒,下個week冇野做,跟住亞joe兩點幾就走左喇,跟住34點kelly已經叫我走,我話冇地方去冇所謂,5點既時候,我頂唔順喇,佢都係叫我走,咪閃law~跟住好早返到屋企,之後亞新話去海記,跟住咪去law,最搞笑有一男一女,個女問我地借左幾次火機,最尾個男重聊我地玩啤牌,個女仔都有玩,我記得個女仔好香,真係有d 奇怪,點會一男一女聊幾條仔玩牌ga,所以我地之後,傾都覺,可能個女仔失戀,搵左呢位朋友陪佢,但佢個fd又覺得悶,所以就搵左我地喇.....我地最後都係唔知個女仔叫咩名,跟住激死我喇,我送車尾先,既,平時等3個字就有,今日等成半粒鐘先有....頂,我唔知個司機色盲定咩啦,唔停車喎,又唔係冇位,跟住我太嬲喇,就上左部上水車,點知都唔係壞事,因為一落車,就有一部17號喇,原來5點已經有了,搞到差唔多天光先返到去,用多半粒鐘有多....pkpkpk

2005-09-09T23:59:00.000-07:00

今日返工都冇咩特別,放工依然都好開心咁去返學,不過今日約左負離子6點30,點知原來睇番timetable先知返7:40,跟住我地就去左m記食野喇,跟住上堂,係一個好後生既miss,我估佢over 25,負離子估before 25,跟住教 d算普通既野,但我都學得好吃力,跟住喇,有條友串佢,話呢d 野中3就教喇,你教呢d 對會考有咩幫助,跟住個miss 就串佢喇,哦,即係你識晒啦,咁你出黎教丫,條友即時冇野講,所以話,點解我要讀番書呢,有時識得多野,先夠料串到人,唔好話串到人,起碼保護自己,保護到人啦,所以,我會繼續加油~

2005-09-08T23:59:00.000-07:00

今日返工心情麻麻地,因為kelly呢條友law,講埋d 野成日九唔搭八,成日點人做野,扮晒自己望,跟住又成日去左另一間公司度吹水,又成日點人做野,嘩,幾狗呀,又要想大佬咁點人做野,又要暗示比我聽唔想咩獲,你食啦,不過算~因為我放工就好開心喇,因為呢放工就返學,原來返學係咁開心ga,係睇你有冇心返,唔關係咪自己比錢事,今日,約左負離子係大埔等,跟住等到搭7都未見佢...咁打比佢啦,原來佢塞緊車呀,叫我自己返去先,ok喇,返到去,下,得3個人,返學???跟住好彩,慢慢多番d人,最後第一堂bio有9個人返,0個個人教得幾好哦~跟住喇,recess既時候,咁我同負離落街行下,勁多人係留下煲煙,搞到我都想煲埋一份,跟住係周生生格離見到我尋日同負離講話ok 0個個女仔,我望左佢一眼,佢望左我一眼,跟住傾傾下負離子叫我走埋去識佢,痴線啦~得閒先,跟住上phy喇....死喇.原來咁難,有d 吃力,以前就好多原因想快d 落堂,今日首次係因為壓力,覺得有d辛苦想快d 落堂,好似好唔明咁,不過好彩,臨落堂都明左好多,嚇死我,btw,負離子有時都幾煩,人地上堂佢又係度係咁講,講野有時又唔Courteous,真係有小小後悔同佢做左同學,不過算啦,應該唔會影響到我,跟住同埋有兩公婆一齊讀書,幾正哦,幾得意,有機會真係想問下佢地做咩讀番書,跟住想講多一樣野,就係尋晚已經係yahoo睇到既新聞,都幾o...今日重頭版埋,係一對老師夫婦,男既有婚外情,之後男既想同番女一齊,但個女唔理佢,不過其實又love佢,跟住個男死左,個女幾個鐘後死埋...個女遺書講,我要落去陪老公,嘩~幾感人呀,雖然呢個係悲劇,但我好欣賞個女既,因為佢勇敢,因為佢生死相許,佢另我覺得香港應該重有好女仔既,我祝佢地係另一個世界生活得開心啦,今日買左排骨飯食~~zzz了

2005-09-07T23:59:00.000-07:00

嘩~~今日勁呀,勁多野寫呀,因為今日我好開心呀,點解,因為我返學law,唔知點解,好開心,今日放工,6點4就到左大埔了,跟住等埋負離子,就返學喇,一返到去,勁多人排隊,因為law學生証law,痴線ga,多人到,跟住唔知點解負離子好似好緊張咁,車~~~返學姐,唔使呀,跟住我地落去行左個圈,上番黎都係咁多人,咁咪照排law,點知差唔多到我地既時候,有個亞sir話你地可以去上堂先,唔一定而家law,唔想阻大家上堂,頂~~~~~早d講丫,其實我一早想去上堂先,但又唔知邊個班房.....跟住去到喇,已經幾多人下,亞sir姓何,係亞伯黎~講野都幾煩下,跟住咩人都有有師奶呀,唔多似讀書既人呀,亞叔呀.....跟住搞事既人,係7點幾已經同亞sir講有事閃先,正~~~即時靜左,跟住break,負離子話去m 記座下,頂,又唔係食野,去把鬼咩,不過是但啦,佢又勁講壞話喇......佢就係咁,跟住先知原來佢條仔比錢佢讀,嘩,我都想有條女比錢我讀,哈哈,講小姐,跟住又返返去上堂喇,嘩~~有人夠膽死遲到遲兩個鐘,跟住個亞sir講左兩句就算,跟住我都好專心聽書,雖然好悶,但我都冇眼訓既feel,跟住放學,負離子有fd車佢,我就自己一個行番廣褔,當我亞爸知道我讀書之後,佢好似有d想喊咁,雖然佢扮晒冇野,但我知佢好開心的,跟住都冇咩鬧交場面,睇黎我都好快會番大埔住了,好過一個人悶,又side錢丫,我同我自己講,我大個仔lu,我唔會再要人擔心我了~~~~

2005-09-06T23:58:00.000-07:00

今日都冇乜特別野,係kelly九唔搭八law,基本上佢每一日都係咁,我都冇咩所謂,今朝佢叫我執下我張desk,因為有個新人黎,驚唔夠位,咁我咪係咁2執下law,其實都冇咩用,之後喇,佢話我重唔執,其實我已經執左,咁算,我將所有相分類,再用橡皮筋分開圈左佢,搭埋一搭,咁之後喇,佢過黎話,d 相唔可以咁放ga,會亂ga,跟住幫我還原晒,下....我啞左,跟住佢覺得好似幫我還原左,覺得law左,講左d九唔搭八既野就行開左了.....算把啦,張desk都係冇郁過,跟住放工去左大埔,搵子健飲下野,我都未試過一日轉3間bar,第一間叫6v,唔掂,勁大陸feel,d人又老,轉左去一間裝修好搞笑,個名都係,叫過來吧....跟住好貴,又轉,最後轉番子健主場soho,嘩~~勁正啦,勁有feel,d 歌又好聽,我地重比個鬼佬撩tim,不過佢識中文既,~就咁就一日了

2005-09-05T23:59:00.000-07:00

今朝去左m 記,食左個豬樓蛋餐,跟住差唔多時間就見到佢喇,不過我好似行中敗露,因為我覺得佢見到我,佢今日係著,黑色3,黑色外套,牛仔富,all star,咩住佢個新代,睇黎以前個beamsboy已經冇用喇......跟住好快過左一日,夜晚去左幫亞基女友睇睇部電腦.......

2005-09-04T22:30:00.000-07:00

今日好早起身呀,星期日黎講,10點多d起左了,重睇左陣卡通片tim~跟住就食野,食完就踩單車出上水買單車d 野,好舒服呀,因為冇太陽,又有風,跟住返到去,整完單車,原來亞明尋日拿左車了,咪去睇下佢部車law,幾靚丫整得,出面睇都唔覺撞過,跟住佢地話去迪傑屋企,我又冇野做,咪去law,頂,原來佢地開賭檔,重係咁叫我玩,不過我都冇玩,跟住玩完喇,亞明話去粉嶺洗車,咪去law,跟住去左上水買布,話打蠟喎,重想叫我幫手tim,我更係唔制啦,haha,跟住咪係幼稚園放低我law.返到去食完野,睇左陣電視,做model,第一個出局係黑人,唔知點解我有d開心,因為我覺得佢都冇model料(我冇種族其視),跟住冠軍係laymer,係,我真係覺得佢好有model格,不過我鍾意另一個多d姐,跟住洗完碗,沖完涼,都夠鐘訓了,爭d唔記得講tim,yoyo今日生日哦,祝佢生日快樂~happy birthday(第一次寫完返入黎改,haha)

2005-09-03T23:59:00.000-07:00

今日都冇咩搞,係放工亞邦搵我去幫文龍整機,整完就返左屋企,個死仔成9點幾十點先叫我去整,不過12點都唔夠就整完,返到去都係12點多小小

2005-09-02T23:59:00.000-07:00

今日諗住去m記ga,不過唔夠時間~~~算啦,今日係我第一次著短富返工既日子,哈哈~~~好似都冇乜野,幾舒服,d 同事又覺得冇乜野,幾好丫,跟住今日由於放工想law生日禮物比瑤瑤所以我4:30就走左喇,kelly話好善霧,我話走就走,我話唔係丫,r小姐都話左我兩句ga,跟住飛左返屋企拎埋d 飯盒,蛋糕盒一次過比晒佢喇,因為就黎返學,都冇咩時間會煮飯了,重帶飯?跟住蛋糕盒係因為我想有人再食到佢d 蛋糕,講真係唔夠街買好喇,但真係幾好食,同佢3而媽比重好食過佢3而媽整,我約左佢亞媽係l 1等,我地傾左兩句,唔知點解,我覺得佢眼神好深,好似有d野,好似可以裝晒成個世界入去咁......跟住原本整電腦,點知亞邦都冇打黎,咁就幫左亞村整啦,都唔知點解可以成日壞,唉,遲d我返學你地就知,我一返學就肯定唔會1-5幫你地整ga,跟住同亞新,子健去左海記,我又去左亞新度幫佢拎結他仔,頂都唔知點解我成日都做埋晒d on 居野,約左係太和等,佢地依然都係冇咩時間觀念,等左佢地勁耐跟住落雨喎......去左大中食完野就閃左了~~~~~

2005-09-01T23:59:00.000-07:00

唔知點解,好似返工d野冇咩值得寫......今日放工,我一條友去左旺角,去做咩呢.....shopping law......我永遠都係咁,買野行幾萬個地方都重未買到......唔知點解我想改變下形象,所以搵條短富買下先,首先去chic之堡,當然唔0岩啦,跟住行過一間,諗住買0個條,點知最細得番三十幾.......跟住去左瓊華,又係冇啦......跟住去旺中,新之城,多人到丫...不過我諗得女仔3多,跟住想放棄咁滯,但係又突然諗到聯合,就去左喇,真係比我係0個度買到喎,跟住就去番波鞋街,點解呢,因為早幾日買鞋睇中左件3,但係又mama地like,就冇買喇,去過it,d 米奇又比人買晒,跟住去到0個間野,頂丫~好彩早幾日冇買,因為多左幾件,有件黑色,個米奇閃彩色,超靚~~~~跟住就去左旺電買野比yoyo喇,原本諗住買creative喇叭比佢ga但係嘩....靚樣0個d成兩舊,重要唔靚聲....重貴過有subwoofer,但買subwoofer又阻頂...跟住行行下比我搵到個大陸喇叭,平好多,又係粉紅色,而且唔使好似creative咁要火牛,usb law電,跟住就買左喇,之後返到上水買左差飯,就返左去lu~我發覺自己真係大個左dd,因為以前我會試完3 先食,跟住今次我食完飯先試,好開心因為我都覺得好睇,原來我著短富都ok既~~~哈哈,跟住就沖涼,包埋份禮,就訓覺了~~~

2005-08-31T23:59:00.000-07:00

今日唔舒服,冇返,有時我好驚,我好想快d去body check,我覺得我自己可能肝有事.....算啦,應該冇野既......跟住我用左公司張Health Card去睇醫生,點知上水幾間都唔收,pkpkpk,試到最尾一間諗住唔得就去關浩然比二百幾算了,點知佢又話收喎,睇完,都係40蚊jar,hehe幾平呀,我都未試過睇私家可以平過街証,跟住食完藥好好訓,7點零既時候,由於之前應承左負離子幫佢整機,而且又應承左亞ken幫佢去負離子度拿喇叭,就去左整喇,跟住去左亞ken度,差唔多走既時候,佢又可能估到,所以我就講左比佢聽我同亞芝散左喇....算啦....訓了

2005-08-30T23:59:00.000-07:00

今日係一個好特別既日子,點解呢?因為我一放工就飛左去大埔,因為,我要讀書呀我去左maria報,點知....有d 呃錢既成分,因為我睇到話報toeic送中5,係就係貴d,成1350一個月,不過冇所謂啦,但係最慘係要drop chem....點得ga,跟住only中五又冇持續進修支助,咁我就落左街,打左比家姐喇,佢叫我讀ive....頂...不過應該唔係今年呢,跟住以為負離子讀過夜校,點知原來冇喎,但佢又話有d興趣讀....跟住唉,都係報左先算啦,唔諗喇,報報下,負離子打黎話佢又讀?下?你有冇諗清楚呀加上我又諗住讀理科......佢話讀,叫我聽日陪佢去得唔得?我話聽日唔得閒喎,佢話等埋佢,今日報,就係咁我地又再做同學喇....都唔知點解總係有d 識既人做同學先開心...幾次都係咁,跟住我interview既時候,0個個人問我,點解會讀番書,會唔會好似以前咁讀讀下冇心機,我話唔會,因為我覺得我side左好多時間,而家重可以番轉頭,就讀左先算,就係咁就收左我喇,跟住負離子到左,佢搞掂左都成9點幾跟住我去左子健度,係佢留下買左個飯,嘩....頂,又等得耐,又貴,成25蚊呀,痴線ga跟住係佢度飲左兩支,就走左lu~~~好開心呀,快d 返學,7號快d到~

2005-08-29T23:59:00.000-07:00

今日已經一個月了....還記得一個月前有幾傷心,哭得如何死去活來,如何求她和我再續前緣不過,現在,我已將這件事交托給緣份,可能天意用這次考驗令我們未來再重蓬,又或者可能有另人個人我更應該去愛......
今日係29號,出糧喇哈哈~~lunch去check既時候,幾開心呀~跟住好快就過左一日放左工去左旺角,我依然都係,出左糧係要買d野先開心,不過今次都幾好ga,起碼我買左d等使既野我買左對all star,冇計啦,我d 鞋對對落雨都入晒水, 雖然三百幾,但我都覺得值ga~跟住諗住係旺角配埋眼鏡ga,因為我覺得呢副眼鏡都唔旺我既,但係行左幾間都唔0岩跟住就返左上水喇,係上水我就配左喇,係burbery黎ga,好靚,而且我咁大個仔都未試過戴d咁貴既眼鏡ga...星期3就有得law,好快呀,好開心,跟住就去左天天見麵食左個沙0爹牛肉飯,冇叫野飲,hehe慳錢ma~跟住搵埋子健去左大圍既火車頭bar,呢個勁喇,點解呢?因為兩年前我已經提議話去0個度終於講左兩年,今日先去到,~~~我地飲左幾杯大生啤,都係百幾蚊,幾個鐘,幾抵呀~今次係我請客哈哈~~~頭先又話慳錢,跟住12點到搭火車返去喇~~~~

2005-08-28T23:45:00.000-07:00

今日12點醒左,係咪以為我好懶呢~~~其實訓得重小過平時,不過9點幾都醒過一次,good,跟住我見到vingie個名變左冇左brand new,唔知點解又諗野喇......算...跟住2點幾就同左細佬去左上水剪頭髮喇,跟住明0個d話係上水,咁就同佢地飲下野,吹下水,不過唔知點解愈黎愈唔想同佢地玩,因為佢地講野好cheap,又唔多野人感受,跟住番左屋企,我見到vingie msn個名變左訓唔著...極之唔夠訓,咁我就心軟msn online左,同佢傾....頂....原來只係尋晚......總之唔心軟啦,跟住佢問我佢張相靚唔靚,話佢自己好大黑眼圈,我更係話靚啦,係我既世界佢係全世界最靚ga,我地傾左好多野,我重講左個秘密佢聽....佢話令願唔知.....總之唔講啦pk,懶醒......唉...訓把啦

2005-08-27T23:59:00.000-07:00

今日勁呀,超長,超多野寫,點解呢?因為發生左好多野,首先今日返工,搭搭下火車kelly打黎,話佢sick leave,唔返,我心諗下....死喇我冇鎖匙ga.....鬼佬最快都3點先返,跟住到左旺角,佢又打黎,佢話prepare左d野比我做,放左係我桌面,又呢樣,又0個樣跟住我問我冇鎖匙,咁點算呀,佢竟然答我,唔知呀,遲d先算......咁我都入唔到去,你同我講做呢樣,做0個樣做乜野,跟住喇,我問佢住邊,佢話屯門,唉,如果係九龍我都可以過黎拿丫,佢最後話有人會送文件黎,10點到咁我返到公司,佢個停車場度(因為公司門口其實係停車場黎,咁我等等等,又熱,空氣又唔好,等到十點半,我咪打比佢話未黎,點算,佢話等下先,收左線我就上去圖書館借筆,紙,寫我電話係門口,如要送文件電打6xx6x7x6,跟住咪去圖書館搵相入機,因為早幾日有d未入,0個d唔趕,kelly話唔好入住,不過而家冇野做,都要玩住先,點知入入下有人打我電話,原來係frankie黎,佢返左黎搞一搞部電腦,嘩~正,有門口入,跟住lunch之後,成個下午鬼佬都冇返我又好似上個weekend咁,一個人on足成個下午......放左工喇,今日係小學舊同學聚會,首先係上水,黃如麗打黎話陳家健車緊佢返去,我話兜埋我丫,我都想返屋企執執先,跟住我買左包煙,其實原本都唔會買,因為而家介緊,介買緊,但係又諗起爭karen幾支煙,因為有幾次同佢一齊食煙,我都冇煙,問佢law,又唔係同人咁熟,咪諗住買包煙同佢星期一一齊食下,跟住係上水遊左陣就返到去喇,8點到,我地3個一齊出上水,到左上水中心先醒起...頂,冇帶包煙tim,不過算數啦......我地係最早到既,跟住到徐志光,王銳昆,佢地兩個超搞笑,因為指住黃如麗,呢個叫咩名呀,跟住佢地行埋去,好似兩個咸濕佬咁,超好笑,跟住到蘇正玉,麥志輝,跟住張遠興,再跟住周耀安,胡卓穎,跟住我地就入左海港喇,入左冇耐林錦青都黎埋,再之後我又打比希珀,因為我地有個小學同學同佢拍拖,呢個世界真係細喇咁咪打比佢問佢條女黎唔黎,不過我6點幾都打過去啦,留言都冇人覆,算...跟住黃玉君黎埋(希珀女友),跟住講到利志明電話飛左頂,我地頂緊既時候,佢又唔知係邊度飛黎,笑死,跟住到黃日良,原來我地一人要夾160蚊,但之後因為有幾個人甩底,0個幾個人其中兩個等我都講埋先,哈哈,就係殷影兒+梁瑞儀喇,咁我地就叫小左野,埋單87每人跟住一路食,一路都勁笑,有幾次笑到好大聲,好多桌人都望住我地~~~~哈哈,唔比咩,連格離桌,佢地都係後生仔開頭都好斯文,跟住都愈黎愈大聲,食到咁上下,麥志輝就閃左喇,跟住我講下年見喇,跟住全部人又笑左笑,哈哈我地講左好多好多野,吹水啦,小學點呀,發左過既野law出黎笑番,跟住有d人幼稚園都同班,我同其中幾個就係喇跟住連幼稚園d 野都講埋...我地都算勁了.....到十一點幾喇,走了,呢d都算係盡興而歸喇掛,有好幾次我都講我想食飯呀,但係笑到個牙較好辛苦,不過走先知我地叫左7支啤酒,有d人冇飲,我同陳家健應該飲左最多,跟住我地分左兩批走,因為有兩個有渣車,但我冇去座,點解呢,因為子健叫我去吹下水,好啦,聽日唔使返工就去啦,跟住一路行去火車站,我同徐志光講,時間真係快,小學d野好似尋日發生咁,我個腦就響起一首歌,友共情,哈哈又要一提,爭d唔記得,頭先食食下飯我地已經講緊下年點搞好,有人話燒野食,跟住有人話燒野食,跟住就有人講02年0個次我帶左結他彈,問我下年使唔使帶,跟住原來好多人都記得,係度和應,又有人話,記住練好d結他呀,頂你都唔知你0個年彈乜,係得首友共情似樣,咁我都覺得係,因為我記得係天光先玩友共情,重完部人一齊唱tim好開心0個次,跟住我記起0個句,心內那熱暖,仍是純真,未變~~我覺得係既,因為而家個個個樣都唔同晒,但其實內心冇咩點變過,差唔多到火車站,我問亞肥安&胡穎話去邊,跟住佢答我大project,原來...係返屋企訓覺,又真係幾大喎,跟住我地幾個就係火車站講88,重話~~下年見,哈哈,跟住就去左子健度,佢都講左好多野ga今日.....(下刪3000字...)最想提就係佢遲d諗住返去大陸發展,我都話好丫,如果早幾年我肯定會唔捨得,不過今日既我會諗,天下無不散之延席,我同佢吹到5點幾先走....好喇,快訓,唔係sunday訓唔著就pk了

2005-08-26T22:34:00.000-07:00

今日都冇乜特別野,但係最搞笑就係放左工去幫人整電腦,幫左兩個人整,係第2個人屋企,人地留左我係度食飯,跟住整完,食完飯,佢地開左支紅酒喎~支紅酒重要幾靚tim,跟住係度睇酒店風雲,人地成家有講有笑,好開心,搞到我布都有d想返大埔住,有d開始唔想自己一個人住,因為我諗以為我老豆唔滿意自己既野,呢年幾,出黎自己住,唔知點解學會晒,好了,都係去訓先

2005-08-25T10:19:00.000-07:00

今日超搞笑~~~因為返工係火車見到有個幾個鬼仔+2個香港人~個鬼仔應該係意大利人,佢地傾傾下,個鬼仔電話響~跟住個鬼仔用廣東話講,喂~~係,我真係勁想笑~~~跟住到lunch,勁慘呀,因為尋晚整左差燒炒蛋飯~~但冇帶,原本諗住去惠康用絕招,杯麵+cola=7個幾,跟住諗諗下不博下燒味,跟住排排下隊,個男人唔得閒,我咪問前面個細路飯幾錢,佢又好詳細答我,單拼12,雙拼13,我再問佢+飲品呢,佢話唔使+錢,唔知點解我就覺得好開心,好搞笑~~哈哈,跟住下午就忙了,因為早幾日獅子山嘔泥,我係火車睇到都諗緊,唔知個project會唔會係我地做呢,點知今日話係....跟住就好忙咁搵左好多相,重搞圖書館個人遲左放工,真係唔好意思呢....好了,講住咁多先......

2005-08-24T07:35:00.000-07:00

提番尋日頂.......最黑仔係,把鎖壞左......幾驚部單車law唔番,但係又好搞笑,壞一半,點壞呢,其實係鎖匙位唔知跌左去邊....咁我搵啦,又比我搵到喎,吉番入去一樓,開到,哈哈,同埋尋日肥倫尋日成11點幾打黎問我有冇鬼能量...跟住我打比tim哥,佢話有,咁佢個fd就黎入左,之後叫我去兜下,我見我自己都訓唔著,咪出左上水同佢地飲杯野law,最尾返到home1點多d,但我諗over2點先訓著...好彩朝早都識起身~~今日係晴天~~~我覺得自己進步左,點解呢?因為平時當我行到出路口既時候,見到咩車都唔想搭,因為我知道,緣色&藍色3.5,紅色5蚊,但係我發覺冇理由為1.5遲到ga,所以一行到出路口,見到紅色,唔諗,上左先算~~返到公司,cathy最lastday了,就係咁,lunch就變左鬼佬請飲茶喇,不過,lunch竟然落大雨.....又唔夠傘,等左好耐,連鬼佬都上埋黎,跟住佢叫我地行啦~~最尾karen黎到佢law住3把傘,我地個個嘩左啦,咁就夠晒~~出發,去到茶樓真係好搞笑,因為鬼佬用中文叫野食呀,講野呀,勁搞鬼~~~講講下karen話原來d 傘係鬼佬ga~~~佢又幾醒喎,跟住上菜,個個又嘩,勁多野食,張"木台"放唔晒,d點心重要林幾層先有位,跟住食完,好快就放工,今日過得好快,正~~返到上水,本身諗住買d 百佳送返去食就算,但冇咩0岩食....又行左去街市,買左15隻蛋+差燒,返到屋企就整左差燒炒蛋,搞掂晒d野,沖完涼,我見到vingie係msn,有時我係度諗,我係咪想每日都見到佢on呢?究竟我幾時先會再online唔係離線呢......by the way,我睇左好鬼耐既寒煙翠小說,終於比我睇到有睇頭喇,嘩,又厚,又悶,之前想放棄ga喇,不過我死都要睇落去,我想而家睇埋ga,不過訓喇,唔睇喇,留番搭車睇啦,呢個moment,又要訓了

2005-08-23T22:50:00.000-07:00

今日係晴天~~~6點半左右起左身喇,7點都冇就出左門口了~~~因為今日諗住去麥記,今日重係我第一日踩單車返工既日子,開頭真係幾正,又涼~~又有feel,點知去到松柏朗,部單車甩lin喎,咁咪整law,0岩0岩有幾張紙巾,手都冇污joe就整完,諗住冇死啦....點知一路踩一路甩....甩到我都唔知甩左幾多次....,有d位又熱,咁我咪發一發佢皮4law...去到上水喇,而......唔見左把鎖既..........oh.....更係我頭先發皮4整唔見左啦....於是又番轉頭搵,好彩都搵到,跟住去到上水火車站....比起平時用多左4,5個字,諗住都唔使去m記啦,點知...............唉,世事就係咁,我一上到火車站,就見到vingie係中旅度.....嘩....有冇咁0岩呀............我真係好想過去同佢打招呼.........但都係冇咁做,之後我就唔知點解send左個sms比佢話見到佢,呢排點呀.....佢又係答我呢排好好呀,我點呀.........其實有時我都諗,係唔係真係冇左我咁好先?就算係,使唔使咁講呀..........傷心死我喇......原來我真係唔重要之如重要咁黑人憎....唉,總之個大計照舊啦......,咁我就send番話我都係咁啦,我地既sms就完左喇......跟住返工都nothing special, kelly都係照舊佢既無零兩可,因為佢叫我shot相,我話跟乜,佢答我跟年跟prefix....頂...跟到年,又跟唔到prefix啦....都唔想點,最後我都係跟prefix,因為人地易搵d ma~跟年份咪即係亂晒,而且年份可以係excel個list搵到.....跟住返到上水,問anthony借左兩舊,原本都唔諗住問佢借,不過亞新pm打黎問我有冇一舊?咁我又就黎冇$返工,咁不如問佢借200,我一百,佢一百,跟住我踩經vingie留下...佢屋企冇開燈,我又諗左好多野...唉都係唔好諗喇,快d返屋企啦,跟住今日買左百佳魚香茄子飯食,9.9 jar~~平到丫,跟住去hsbc過左一舊比亞新,我記得問亞新law account no. 時佢好surprise,好似好開心,爆冷咁,冇計啦,我呢排都想自己唔同下,有時比下驚喜人,自己都好開心ga,不過今日係traffic既黑仔未完ga....返屋企都係要用多左4,5個字,都係踩下甩下.....幾經辛苦,先返到屋企,食完野,見到vingie,on msn,但away左,我又諗左d野....唉,可唔可以唔諗呀....沖完涼,佢就冇away了,而且亞ann都on埋,我又好似放鬆左......,尋日我發現左有隻冇電既miffiy鬧鐘,頭先搵電試,work ga 喎~~~開心死,聽日有鬧鐘用,哈哈~我恨左幾個月喇,唔知呢個係咪天使的禮物呢?沖左個涼,係呢個moment,我都係時候訓了

2005-08-22T11:01:00.000-07:00

今日係晴天,落左成個week雨,終於有太陽,開心死~今日都冇咩特別返到屋企抖左陣就煮飯lu,今晚食雙蛋+腸飯,加左d 是油唔知係唔係應該叫,是油皇雙蛋腸飯呢?食完既時候又係抖左陣睇下電視就洗碗喇,今日掉左以前爆炸比既cushion,因為而家都冇咩用了,費時阻定,跟住就沖涼,刷牙,不過日有樣野唔知算唔算天使的禮物,因為有隻青蛙仔走左入黎,咁我就諗住用垃圾產整走佢啦,點知佢愈跳愈入,最尾捉唔到佢,因為佢入左條喇度....但係因為咁,我搵到我幾個月前已經想搵既野,就係一個火牛既插喇,係piano用,搵到之後好開心,因為有piano玩lu~~~好喇,唔講住喇,重要晒三tim呀

2005-08-21T22:55:00.000-07:00

今日係禮拜日,係我一醒左既時候,我就諗起vingie喇,唔知佢今日會去邊呢......跟住pm同左亞基去左屯門釣魚~但係未去到已經開始落雨,去到,當然有傘都要濕,而且d海邊石好難行,去到見到有3個人,一個叫亞喜,一個亞喜女朋友一個叫青蛙,0個個地方我記得早幾年都去過,跟住釣左陣就轉左場,不過都係屯門,原來青蛙係渣echo,白色,幾靚,跟住亞基叫我渣,佢部車怪怪地,有小小走呔,去到冇耐,亞基就有收獲喇,亞喜釣左好多條,不過最勁就係亞喜&佢gf一人釣左條鱔.......我就更係一條都冇啦,不過都試過中ga,但比佢走左,到6點幾,我同亞基去左蝴蝶灣買左d雞亦,雞脾,腸仔食,回程係我渣,到到8點到就走左喇,佢地真係勁,釣到個天黑晒先捨得走......淋左成日雨,其實應該講呢個禮拜都日日淋,睇黎唔病都係因為我飲左好多橙汁,維他命c多到爆炸~跟住返左屋企,睇左top model,今晚好似回顧咁,但係冠軍又未有.....睇睇下我又掛住佢喇,好想打比佢,但又驚佢出左街,好快收線...食左d炒飯,沖個涼,都係時候要訓了,vingie今晚冇on msn...聽日又要返工喇.........

2005-08-20T22:46:00.000-07:00

唔知點解~~~~好想由今日開始日日寫~~~希望會keep住啦
講番尋晚,我去左唱k呀,因為補番慶祝我生日,去左旺角neway city
勁慘呀,我最早到,跟住係火車站等完我細佬,子健,倫,就去喇,但係呢個禮拜d雨唔知點解咁大...
我地去到既時候個個都濕晒....不過一路行勁講笑,都好開心
之後波仔,eago,亞新到埋,唱得幾開心ga,因為子健係度亂唱,勁好笑,而且又同我細佬第一次唱
不過最搞笑係子健之後話番我知原來我細佬叫佢點童話,但eago黎到又solo唱左,跟住我細佬望住子健啞左..........哈哈,跟住切完蛋糕飲完香檳,11點幾就走左了,因為有幾個人都要返工,不過最搞笑eago得幾廿蚊.......有冇搞錯,最尾亞倫借左100比佢,跟住星期6 kelly早幾日已經講番半日,因為am老世唔係度,但佢返左黎冇耐就sick leave左半日,跟住得我一個人free去到5點幾....就放工返屋企喇
呢排日日都落雨,傘又爛埋.......又淋雨,好彩冇病姐...跟住今晚食左炒飯~~~講住咁多先~~

2005-07-29T23:44:00.000-07:00

sad, very sad..................don't want to say anything today......